Helgatun leirstad og kapell

---

Denne artikkelen er hentet fra bokprosjektet «Norges kirker». Artikkelen blir derfor ikke oppdatert eller endret. Referanse til bok finnes under "Kategorier".

---

Anne Marta Hoff

Bakgrunn

På den privateigde leirstaden Helgatun i Myrkdalen i Voss kommune er det eit rom vigsla til kyrkjeleg bruk. Bygningen vart oppført i 1968.

Bygning

Rommet har vegger med låge vindauge i belte etter langsidene. Endveggen mot vest har faldevegger mot resten av bygningen, endeveggen i aust har gavl mot aust med overlys i gavlfeltet. Slakt saltak kviler på dragarar over sideveggene og dragarar over tverrgåande bjelkar i aust og vest. Aust for den austre av bjelkane er altarrom med opphøgd golv og frådelte siderom. Altarrommet kan skiljast frå ved portierer.

Interiør

Kapellet har overlys over altardelen. Altar i form av eit bord står mot austveggen. Framfor det opphøgde steget står eit mindre bord. Kasseforma preikestol på nordsida framfor steget. Piano på sørsida. Sitjeplassar i form av enkle, stoppa karmstolar. Klokke i mønet på austsida av kapellrommet.

• 
  Helgatun kapell, altarpartiet, AMH 2007.jpg
• 
  Helgatun kapell, interiør mot altaret, AMH 2007.jpg
• 
  Helgatun, eksteriør, AMH 2007.jpg
• 
  Helgatun, klokke i gavlen, AMH 2007.jpg